Arctic Team Challenge naammassivoq

Tuluit unammeqataasut Saab/Salomon ullaaq nal. 8.04 Tasiilamut siulliullutik apuupput taamaalilluni ukioq manna Arctic Team Challenge-mi ajugaapput. Tuluit unammisartui 150 kilometerit missaat nal.ak.39-t, 20 minutsit og 14 sekundillu ingerlaarfigaat ullut sisamat ullullu affaa atorlugu unammeqataapput.Qajarissamik parrunnermi kingullermi tuluk Andrew Schofield assammi illuinnaa atorlugu paarpoq, qajarissamut ikinngitsiarnermini assammi illua napisimagamiuk. PharmaNord/Inu:IT unamminermi siuttuugaluartut normu 2-ullutik appuupput nal.ak. 40-t 17 minutsit sekundillu 40-t atoreerlugit. Iligiikkuutaarlutik unammiat quligiluaasut ilaat sisamat ajoqusertaqattaarnerit peqqutigalugit unammeqataajunnaarput. Kalaallit iligiikkuutaarlutik unammeqataasut Siku, ACG Ilulissaneersut aamma unammeqataajunnaarput. taamaalillutik unammiffiup immikkoortortaani kingullermi ullaaq maanna aallartinneqartumi tallimat unammeqataapput. Unamminermi pisortatigoortumik iligiikkuutaarlutik unammisut pingasuupput. Iligiikkuutaarlutik unammeqataasut Islandimiunit Afrikallu kujataaneersunit inuttaqalersimasut, unamminerup immikkoortuani kingullermi apuunniunnermi ilaapput.