Arctic Team Challenge aallartippoq
Nunarsuarmi sukkaniunnerit sakkortunerpaat ilaat, Arctic Team Challenge, Tasiilami ippassaq aallartippoq.
Peqataasut arpassapput, sikkilissallutillu, soorluttaaq anguartussaallutillu sermersuakkoortussaasut.
Sukkaniunneq 250 kilometerinik isorartussuseqarpoq.
Iligiikkuutaat arfineq-pingasut ukioq manna sukkaniutissapput, pingasunngorpallu naammassissallutik.
Nunatsinnit peqataasut tassaapput iligiikkuutaat Tasiilameersut, Nuummeersullu, kiisalu iligiikkuutaat arnaannaat sukkaniuteqataassallutik.
Sukkaniunnerup immikkoortuani siullermi Qimmeertaajaliip Qaqqartivaata tungaanut anguartoqassaaq, tassanilu qaqqaq 1000 meterisut portutigisoq qaqineqassalluni.
Tasiilamut apuuteqqaartut tassaapput tuluit Team EastGreenland.com, tullersortigalugit Nuummiut Team PharmaNord, iligiikkuutaallu franskit pingajoralugit
