Arctic Team Challenge aallartiinnaqaaq

Unammineq sakkortooq, Arctic Team Challenge Tasiilami ullaaq manna aallartinneqarpoq.

Unamminissamut peqataasut siornamut naleqqiullugit amerlanerusut aaqqissuisunit oqaatigineqarpoq.

Unammeqataasussat holdit qulingiluaassapput siorna unammisoqarmat nunatsinneersut holdit marluinnaagaluarput ukiormannalu soqutiginninneq annerusimammat holdit tallimat peqataassapput.

Ammassallup qeqertaani unammineq aallartilluarpat peqataasut arpallutillu, sikkilerlutillu ilaatigut qaqqaasiussapput, unammisut 250 km-it missaat ingerlaarfigisussaagaat aaqqissuisut oqaatigaat.

Nunatsinneersut holdit peqataasussat tassapput:

Maniitsumiit Qaqortumiillu SIKU,

Tasiilamiut imminnut taasimasut, Pikkori Sport aamma Neriusaaq. Tasiilaminngaanneersut Qaqortuminngaanneersullu tassaapput, Arctic Ladies.

Ilulissaninngaanniit ACG kiisalu Nuumminngaanniit peqataasussat imminut taasimapput Pharma Nord aamma Inu:IT.

Arctic Team Challenge Tasiilami julip 16-anit 20-annut ingerlanneqartussaavoq.