Arctic Prime Production nutaamik pisortartaarpoq
Aalisakkanik tunisassiorfiit Arctic Prime Production, Arctic Prime Coastal aamma Arctic Prime Fisheries nutaamik pisortartaarput. Pisortanngorpoq Marcus Jakobsen - Qaqortumi aalisakkerivimmi ukiuni kingullerni taanna sulisimavoq, pisortatullu taarserpaa Kim Høegh Dam.
Allattoq Elisa Isaksen
Marcus Jacobsen pisortanngornini pillugu oqarpoq, atorfini pissanganassasoq, kisianni aamma Qaqortumi, Nanortalimmi Kuummiunilu tunisassiorfiit ingerlannissaat ajornakusuussaqisoq.
Qaqortumi aalisakkerivik ukioq naallugu ammasinnaasimasoq, Marcus Jacobsenip ilisimatitsissutigaa. Kuummiunilu aalisakkerivik sila ajungikkaangat, sikuuneralu ajornartorsiutaanngikkaangat, aamma ammasinnaasarsimasoq.
Nanortalimmili aalisakkerivik qaammatini kingullerni marlussunni matoqqavoq, kisianni saarullinnik tarajorterisalernissaq suliffeqarfinni pisortanngortup, Marcus Jacobsenip, pilersaarutaanerarpaa.