Arctic Prime 40 millionit koruuninik amigartooruteqarpoq
Amigartoorutit katillugit 40 millionit koruuniupput. Inuussutit pillugit Sermitsiap quppernerini tamanna ullumi atuarneqarsinnaavoq. Naak suliffeqarfinnik piginnittut savalimmiormiuusut Arctic Prime Productionimut 20 millionit koruuninik aningaasaleeqqikkaluartut suliffeqarfiup aningaaserivimmut akiitsui amerliartuinnarput. Arctic Prime Fisheries aamma Arctic Prime Coastal namminneq aningaasaataarussimasut suliffeqarfiit Savalimmiuni kukkunersuisoqarfiata erseqqissaatigaa, suliffeqarfiillu taamaallaat kukkunersiuisoqarfiup aningaasaliisullu akuersinerisigut ingerlanerarlugit.
Suliffeqarfiup pisortaa Kim Høegh-Dam Inuussutit pillugit Sermitsiap quppernerinut oqarpoq, kutteriutitik suliffissuaatitillu amigartoorfiusimasut - minnerunngitsumik saarulliit akiisa appasinnerujussuat pissutaalluni, taakkumi affaannangajanngorsimammata.
Kim Høegh-Damip neriuutigaa umiatsiaat tunisinnaassagitik, taakku aalisartut namminneq ingerlallugillu tulaassisarnermikkut akilersussammatigik.
- Ingerlaqqinnissatsinnut pisassiissutinik massakkut amigaateqarpugut, Kim Høegh-Dam Sermitsiamut oqarpoq.
