Arctic Ice Cap nunanut allanut tunisassiulersinnaassaaq
Imermimmi Qeqertarsup tunuaneersumik sapaatip-akunnerit tulliit ingerlaneranni tunisassiulersinnaassaaqm imeq sikuminngaanneersoq Kinami tunisassiarineqalissalluni. Arctic Ice Cap tusagassiuutinut taama nalunaaruteqarpoq.
Allattoq Jonas Fievé
januaarip 02-at 2017 14:42
Imermik tunisassiornerp ukiuni tulliuttuni pingasuni annertusiartornissaa suliffeqarfiup naatsorsuutigaa, imermimmi minguitsuimik Kinami pisariaqartitsisoqarpoq.
- Imeq piumaneqartorujussuuvoq, Kinamullu tunissiornerup ukiuni makkunani ukiumut 7-8 procentinik annertusisarnera eqqarsaatigalugu Kinamut tunisassiornissaq pissusissamisuuginnarpoq, Carsten Færge, Arctic Ice Capimeersoq oqarpoq.
Imermik Kinamut tunisassiulernissaq aallartitsinnagu puiaasat immikkuullarissut aamma ilusilersorneqaqqaassapput.
Suliarlu naammassingajalersoq Arctic Ice Capip pisortaata aviisimut Politikenimut oqaatigaa, Kinamullu tunisassiornerup ukiup massuma aallartinnerani taamaammat aallartissinnaanissaa naatsorsuutigaa.
