Arctic Green Foodip tunisassiorfiutaasa siunissaat qulakkeerneqarpoq

Arctic Green Food-ip Qaanaami, Kitaani, Tunumilu Ittoqqortoormiuni tunisassiorfiutai arfineq pingasut, Maniitsumi arfernik tunisassiornermut atortut, Kangerlussuarmilu umimmannik tunisassiorfiup siunissaat, qulakkeerneqarpoq.

Greenland Venture-ip siulersuisuisa ippassaq unnukkut aalajangiinerminni tamanna qulakkeerpaat.

Greenland Venture-imi siulittaasoq, Gerth Lynge, Radioaviiimut oqarpoq, Arctic Green Food piginneqatigiinniit pingasunit maanna pigineqalersoq, suliffeqarfittullu taaguutini pigiinnassagaa.

Greenland Venture-p nammineq piginneqatigiissutini 49 procentiat pigiinnassavaa piginneqataasullu allat marluk – nunatsinni inuit arfineq pingasut kiisalu suliffeqarfiup nunatta avataaneersup piginneqatigiissutit avillugit tamarmik 25,5 procentimik Arctic Green Food-imut piginneqataassapput.

Greenland Venture-p saniatigut kikkut allat nutaat piginneqataanersut siulersuisuni siulittaasup Gerth Lynge-p maannakkuugallartoq paasissutissiissutigerusunngikkallarpaa. Aammattaaq oqaatigerusunngilaa Arctic Green Food nutaaq qanoq akeqarnersoq.

Pisinermi atsiugassat suli aamma atsiorneqarsimanngillat, atsiugassalli atsiorneqareerpata paasissutissat atsaat avammut tusarliunneqarumaarput, ullup qeqqata siuninnguatigut Gerth Lynge Radioaviisimut paasissutissiivoq.

Paasissutissiissutigerusutaalu tassaavoq kiffartuussinissamik isumaqatigiissut 2010-p tungaanut atuutissasoq.