Arctic Green Food sulisut allallu pisiaraat

Namminersortunngorsaasoqarnera kingumut ullumi uppernarsineqarpoq, tunisassiorfik Arctic Green Food, KNI-mit tamakkiisumik juunip aallaqqaataani pigiunnaarneqartoq, sulisooreersunit Danmarkimilu tuniniaasumit ullumi juunip arfineq-pingajuani pisiarineqarmat. Qullukkat, nipisaat suaat, mattaat neqillu panertut, tunisassiorfinnit qulingiluaasunit Qaanaamit Ittoqqortoormiunut suliarineqartassapput. Arctic Green Foodimi pisortatut ingerlaannartoq Tønnes Berthelsen oqarpoq:

- Aningaasaateqarfimmik sanavugut, aningaasaliisarfiullu piginneqataassutit ilangaatsiaa pisiarivaa. Danmarkimilu tuniniaasutta Daycatchip ilangaatsiaa pisiaralugu. Marluulluta 51 procentia pigilerparput, taava piffissap ingerlanerani Greenland Venturep aningaasaliigaangami ileqquusoq malillugu piginneqataanera milliartortussaagami, taava uagut tassunga atatillugu piginneqataassuterput alliartussaaq.

Arctic Green Foodip tunisassiorfiit ingerlatiligai, Namminersorullutik Oqartussat akiliiffigisartagarivai,

-Royal Greenlandip pisiarisai tassaanerupput niuernerpalaartumik ingerlatsiviunerusutut taaneqartut. Amma tassaallutik, kujataaniittut pingasut tunumiittorlu Arctic Prime Fisheriesip pisiarisai, Namminersornerullutik Oqartussanik taperneqartik ingerlasut. Uagut maannakkut pisiarisagut tassaanerullutik, ilaatigut tapiissutinik taaneqartartunik ingerlanerusimasut, maannali ingerlaqqittut, Tønnes Berthelsen oqarpoq. Naatsorsuutigaalu suli Namminersornerullutik Oqartussat tapiisassasut.

Tunisassiorfiit Qaanaaminngaanniit kujammut uiarluta Ittoqqortoormiunut assigiinngilaartorujussuupput – soorlu mattannik, qullukkanik, tarajortikkanik, nipisat suaannik, aamma umimmannik Kangerlussuarmingaanneersunik tunisassiorfiit.

Pisortaq aperaarput AGF-ip amigartooruteqartarnera pillugu tunisassiorfiit ingerlannissaat merserinnginneraat.

- Siornatigut amigartoorfiusarsimanera nalikilliliinermik aallaaveqarpoq Suliassarlu taanna uagut nalitsinni suliaraarput illuutit nalikillillerlugit, nassuiaavoq.

Arctic Green Foodip piginneqatigiiffittut nutaatut aallartinnissaanut atatillugu sulisuusimasut missingersuusioqqaarput.

- Missingersuusiorpugut ilisimallugu qanoq pisiagut siornatigut ingerlasartut. Pisiarput ilisimalluarparput, taamaammat toqqissisimalluta pisiaraarput aammalu qilanaarpugut siunissami suliffiginissaanut.

Arctic Green Foodip pisortaa Tønnes Berthelsen taama oqarpoq. Tunisassiorfiit qulingiluat makkunani ingerlanneqalissapput: Qaanaaq, Savissivik, Ikamiut, Attu, Kangerlussuaq, Napasoq, Qassimiut, Narsarmiut aamma Ittoqqortoormiut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat