Arctic Green Food kiisami sinneqartoorpoq

Sinneqartoorutit 318.000 koruuniinnaagaluartut ukiumut naatsorsuutit inernerat kalaaliminernik tunisassiorfimmut siuariaallanneruvoq annertooq. Suliffeqarfik 2007-imi kingullermik sinneqartoorpoq.
Allattoq Medea Frederiksen
juulip 01-at 2011 08:56

Sinneqartoorneq tunisaqarluarnerulernermik peqquteqartoq siulersuisunut siulittaasup Charles Kastberg Christensenip oqaatigaa.

- Suluppaakkanik, nipisaat suaannik, assagiarsunnik/saattuanik, saarullinnik aalisakkanillu allanik tunisineq annertusiartorpoq, nunatsinnilumi tunisineq aamma annertusiartorluni. Tunisassiatta niuertarfinni tuniniarneqarnerulernerat kaaviaartitat pingasoriaatingajammik qaffannerannik taamaasilluni malitseqarpoq, Charles Kastberg Christensen Sermitsiamut oqarpoq.

Arctic Green Food 2009-mi 16 millionit koruuninik kaaviaartitaqarpoq, ukiorlu kingulleq  50 millionit koruunit missaannik kaaviiaartitaqarluni.

Arctic Green Food nunaqarfinni qulingiluani tunitsiveqarpoq, aalisakkanullu tunisassiorfimmik ataatsimik peqarluni. Suliffeqarfik 2010-mi kiffartuussinissamut isumaqatigiissummi 9,1 millionit koruuninik Namminersorlutik Oqartussanit tapiiffigineqarpoq. Nunaqarfinni tunisassiornerup qularnaarneqarnissaa isumaqatigiissummut tunngaviusoq, Sermitsiami allaaserineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq