Arctic Green Food aningaasaliiffigineqalerpoq
Arctic Green Foodip Namminersornerullutik Oqartussanut kiffartuussinissamik isumaqatigiissutaa, nipisat suaannik tunisassiuleruttornerup nalaani atuuttoq 6. juni atorunnaarpoq, taamaammallu saarulleqaleruttorfiani tunisassiornerit aallartinnissaat siunertaralugu aningaasaliisoqarnissaa pisariaqarluinnartoq, siulersuisut siulittaasuat Charles Kastberg Christensen oqarpoq.
-Sillimmatissanik 20 millioni koruuninik naalakkersuisut aningaasaliissuteqarput, taakkulu Inatsisartut Aningaasanut Ataatsimiititaanni akuersissutigineqassapput. Tamatumunnga atatillugu Arctic Green Food aamma Royal Greenland ataatsimeeqatigiumallugit aggersassavagut, aningaasat inuussutissarsiornermi nunaqarfinni qanoq atorneqassanersut aalajangersarumallugu, Namminersorlutik Oqartussani Aalisarnermut immikkoortortaqarfimmi aqutsisoq Emanuel Rosing oqarpoq.
