Arctic Designers Horsensimi

Kalaallit Nunaanneersut atisaliat Danmarkimi illoqarfiit ilaanni Horsensimi ippassaq sapaammi saqqummersinneqarnerat assut soqutigineqartoq, saqqummersitsisut Arctic Designers, inuttaralugit atisaliassanik titartaasartut Nauja Lynge Lyngesen sakialu Grete Lyngesen nalunaarput.

Atisaliat nunatsinneersut assut soqutigineqarsimapput, pingaartumik atisaliat oqaluttuassartaat soqutiginninnermut allisaataasimallutik.

Nauja Lynge Lyngesenip nunatsinni eqqumiittsuliortorsuup Hans Lynge-ugaluup ernutaata Horsensimi najugaqartup pingaartippaa nunatta Danmarkimi ilisimaneqarnerulernissaanut suleqataanissi.

Horsenimi atisalianik takutitsinermi takutinneqarput Nauja Lynge Lyngesenip atisaliai, sakiata qalipaasartup Grete Lyngesenip qalipagartalersugai.

Nauja Lynge Lyngesen pillugu tv-kkut aallakaatitassiaq naatsoq DK4-mi juullip nalaani aallakaatinneqassaaq, tamatumalu saniatigut Danmarkimi TV-kanalini allani aammalu KNR-TVkkut aamma aallakaatinneqarumaarluni.