Arctic Circle Race ullumi naammassineqarpoq
Ujakkaarneq nunarsuarmi ilungersunarnerpaatut taaneqartartoq ullumikkut ullut pingajussaat kingulliallu ingerlanneqarpoq, ullumikkut 60 kilomiiterit ingerlaarfigineqarlutik.
Arnani Uiloq Slettemark ullumi ajugaavoq unamminermilu tamarmi aamma arnani ajugaasuulluni. Unammersuaarnermi 160 kilometerit 11 timit 34 minutit 7 sekund-illu atorpai, normu to-nngortumit Johanne Mikkelsen-imit 1 time-mik 10 minutinillu sukkanerulluni. Normu 3-nngorpoq Sara Nielsen Canadameersoq.
Angutini ajugaasuupput svenskit marluk Anders Sødergren Oskar Sværd-ilu, ullumi apuuteqatigiittut. Katinnerani ajugaasuuvoq Anders Sødergren, atorpaalu 8 timit 47 minutsit 44 sekundillu. Normu 2-nngortumit 15 minutsit missaani sukkanerulluni.
Angutini normu 3-nngorpoq Martin Møller 4-nngorlunilu Øystein Slettemark.
Aappaagu Arctic Circle Race marsip 31-ianiit apriilip aappaata tungaanut ingerlanneqassaaq.
