Arctic Circle Race ullumi aallartippoq
Ujakkaarluni sukkaniunnerit nunarsuarmi sakkortunersaat Arctic Circle Race ullumi nalunaaqutaq qulinut aallartippoq.
Allattoq Louise M. Kleemann
Peqataaniarlutik nalunaarsimasut 119-it nunanit 14-ininngaanneersuupput. Peqataasut ilagaat russeq ujakkaartartoq Ilya Chernousov, taanna angutini ajugaasussatut ilimagineqarpoq.
Ukioq manna aamma Arctic Circle Racemut nalliuttorsiorfiuvoq, tassa aaqqissuussinerit siullersaat ukiut 15-it matuma siorna 1997-imi ingerlanneqarami.
Ujakkaarluni sukkanniunneq 160 kilometerinik isorartutigisoq ullunik pingasunik sivisussuseqassaaq.