Arctic Circle Race tusaamasat akornanni
Unammersuartarneq taanna tusaamasaaqisoq, ulluni pingasuni pisartoq, ussassaarutigineqarlualereerpoq.
Tassami Arctic Circle Race nunarsuarmi unammisarnerit sakkortunerpaat qulit akornannut TV-qarfissuup CNN-ip inissippaa.
CNN Internationalip nittartagaani, CNNgo.comimi atuarneqarsinnaavoq, nunarsuaq tamakkerlugu sakkortuumik unammisarnerni Arctic Circle Race normu 5-itut inissinneqarsimasoq, unammissutit sakkortunerpaat ilaannit, Dakar Rally-imi, siusinnerusumiilluni.
Unammisarnerit qulit sakkortunersaattut inissinneqarpoq Brasiliamiut unammissutigisartagaat, "Jungle Marathon", 240 kilometerinik isorartussusilimmut marathonerneq. Normu 2-uvoq Canadami kuussuarmi Yukon River Questimi 750 kilomerinik isorartussusilimmi qajartorneq, tassalu tallimaraat Sisimiuni sisoqqannersuaq, 160 kilometerinik isorartutigisumi ulluni pingasuni sisoqqanneq.
Qimussimik Alaskami 1.600 kilometerinik isorartussusilimmi sapaatip-akunnerani ataatsimi unammersuartarneq, Iditarod Trail, nr. 9-tut inisseqqavoq, biilinillu sukkaniuttarneq tusaamasaq, Dakar Rally, Amerika Kujallermi pisussaq kingullerpaatut, tassa normu 10-tut allassimalluni.