Arctic Circle Race-mi peqataajumallutik nalunaartut amerlapput

Sisoraatinik arpalluni unamminerit ilungersunarnerpaat ilaat, Arctic Circle Race 2010 Sisimiuni apriilip qulingiluaanni qulingannilu ingerlanneqassaaq.
Allattoq Jaaku Lyberth
decembarip 13-at 2009 13:27

Arctic Circle Race 14inissaannik ingerlanneqassaaq aaqqissuisullu nalunaarput, peqataajumallutik nalunaartut amerlasut, Arctic Circle Race-ip siulersuisuini siulittaasutut qinigaaqittoq Jens Klaus Lennert nalunaarpoq.

Sisoraatinik arpaffissaq 160 kilometerinik isortartussusseqarpoq, ullunilu pingasuni unammineq ingerlanneqassalluni.

Taassuma saniatigut 100 kilometerinik isortartussuseqartumik arpannissamut periarissaqarpoq. Peqataasut tammaarsimaffimmi tupermi ulluni marlunni unnuisassapput, tammaarsimaffik Sisimiunit 50 kilomerterit missaannik ungasissusilimmiiluni.

Unamminermi peqataajumallutik nalunaartorpassuit nunanit allaninngaaneersuupput, soqutiginninnerlu immikkuullarissutut aaqqissuisunit oqaatigineqarpoq, Jens Klaus Lennert allappoq. Tusagassiorfiit nunanit allaneersut soorlu tyskit tv-eqarfiat ZDF aammalu tuluit tv-eqarfiat BBC siorna Arctic Circle Raceqarnerani aallakaatitsipput.

Arctic Cirle Race sisorarluni arpatitsinissamini Qeqqata kommunea minnerunngitsumillu timmisartortitseqatigiiffik Air Greenland suleqatigilluarpai.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq