Arctic Circle Race ingerlanneqassaaq

Aputissaaleqineq pissutaalluni Nuummi Sisimiunilu aputinik ilusilersuinissaagaluit kinguartinneqarmata, tusaamaneqalersimagaluarpoq, Arctic Circle Race apinngiinnassappat unitsiinnarneqassasoq. Taamaattoqarnavianngitsorli Arctic Circle Race-mi aaqqissuisut erseqqissaapput.

Aputip annertussusia tunngavigalugu Arctic Circle Race, ukiut qulissaa ingerlanneqassaaq. Qularnanngitsumik Arctic Circle Race silarsuarmi sakkortunerpaatut ilisimaneqarluartoq, tusaamaneqassutsini nallissavaa.

Sisoraatinik arpaffissaq manngerlunilu manippoq, orluffigalugulu annernarsinnaalluni. Aaqqissuisullu ilimagivaat peqataasussat unammiffissap ilaani sisoraatitik peertariaqartassagaat.

Aaqqissuisut aputikinnera peqqutigalugu tammaarsimaffissuup inissisimaffissaa allamut nuussimavaat. Ukiulli sisamassaa taamatut pisoqartarmat nuussineq sungiusimaneqarpoq.

Piumassutsiminik ikiuuttut maanna tammaarsimaffissuaq napparniarlugu sulilereerput, toqqillu ataatsimoorfiit inissereerneqarlutik.

Aaqqissuisut aput tikilluaqqusorujussuuaat, apissagaluarpalli apissanngikkaluarpalluunniit Arctic Circle Race 2006 ingerlanneqassasoq aaqqissuisunit nalunaarutigineqarpoq.