Arctic Circle Race Sisimiuni aprilip ulluisa pingajuanniit tallimaata tungaanut ingerlanneqartussaagaluarpoq.Assi: Arctic Circle Race

Arctic Circle Race corona virus peqqutigalugu taamaatiinnarneqarpoq

Nualluut nunarsuarmi tuniluuttoq Coronavirus pissutigalugu Sisimiuni 160 kilometerinik isorartussuseqartumik unamminissaq taamaatiinnarneqarpoq.

- Tassa coronavirus pillugu pissutsinut piffissami kingullermi malinnaanikuuvugut, aamma nunatsinni nakorsaaneqarfik qanimut isumasiortarlugu.

-  Akisussaassuseqartumik iliuuseqassagutta, tassa taamaatitsinissaq qinertariaqarsimavarput

Arctic Circle Racemi siulersuisuni siulittaasoq Jens Klaus Lennert oqarpoq.

Aaqqissuussat inunnit 1000-init amerlanerusunik peqataaffigineqarsinnaasut unitsinneqarnissaat kinguartinneqarnissalluunniit Tunillaassortunik nappaalasoqarneranut ataatsimiititaliarsuaq tallimanngornermi inassuteqarpoq.

300-nit ikinnerusut unammeqataassapput, isiginnaartussalli ilanngullugit 1000-init amerlanerusut najuunnissaat aaqqissuisut ilimagaat.

Arctic Circle Racellu Sisimiuni ingerlanneqarnissaata taamaatiinnarneqarnera siulittaasunit KNR-imut maanna nalunaarutigineqarpoq.

Kina, Korea Kujalleq, Iran, Italialu coronavirusimik annertuumik tuniluuffiupput, nualluutillu nunatsinni tuniluutilernissaa pinngitsoorniarlugu Arctic Circle Race tamaatiinnarneqarpoq.

- Kisianni ulluni kingullerni Tysklandimi Østrigemilu tuniluunnerit ilanngukkamik. Taamaammat allatut ajornartumik ataatsimut isigalugu, nappaatip ineriartornera peqqutigalugu akisussaassuseqartumik iliuuseqassagutta, tassa taamaatitsinissaq qinertariaqarsimavarput, Jens Klaus Lennert oqarpoq.

Arctic Circle Race Sisimiuni aprilip ulluisa pingajuanniit tallimaata tungaanut ingerlanneqartussaagaluarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat