Arctic Circle Race aallartereerpoq
Ingerlaarfissaq løjpilersugaq siulleq km-inik 27-inik isortutigisisoq aassimammat ingerlaarfissaq tamaat qaqqanut qutsinnerusumut aputeqarnerusumullu nuunneqarsimavoq.
Marsip qaammataani nittaassimanngilaq, aammalu tallimat sinnerlugit kiannera ACR-imut unamminartupilussuuvoq. Aallarfissaq taseruarmiittaraluartoq tasersuup sikuata aassimanera pissutigalugu nunamut nuunneqarsimavoq.
Illoqarfimmit ACR Campip tungaanut løjpiliorniarluni apummik katersuisoqarsimavoq, suliarlu taanna annertuupilussuusimalluni.
Unammisut ingerlaarfigisaata qutsinnerpaaffia meterit 750-it sinnerpai (rekordi nutaaq), ingerlaarfiullu ilaani aamma sisoraatit peerlugit ilaatigut meterinik 600-nik isorartutigisumik pisulluni ammukartoqartassalluni
Martin Møller angutini ajugaasussatut kingumut ilimagineqarpoq, Niviaq Chemnitz Berthelsenilu arnani ajugaasussatut ilimagineqarluni. Taakkuli oqarput nunanit allanit unammiartortut pikkorissut arlaqarput, qanorlu ingerlasoqassanersoq ulluni tullerni paasinarsiumaarpoq.