Nuuk-Couturemik aallarnisaasoq, Louise Lynge Berthelsen, Arctic Circle Businessimi 2020-mi marsip qaammataanili pisortaavoq. Toqqorsivimmit assi.Assi: Nuuk Couture

Arctic Circle Businessip pisortaa ukioq ataasiunngitsorluunniit pisortaareerluni tunuarniuteqartoq

Louise Lynge Berthelsen Arctic Circle Businessimi ukioq ataasinngiunngitsorluunniit pisortaareerluni tunuarniuteqarpoq. Tamanna uggornartoq, ACB-p siulersuisui oqarput.

Arctic Circle Businessip, ACB-ip, nutaamik pisortartaarnini ukioq manna aallartilaartoq unnersiutigalugu nalunaarutigaa.

Aallarnisaasoq inuussutissarsiortorlu, Louise Lynge Berthelsen, siuttunngortoq, ACB taamani nalunaarpoq. 

Arctic Circle Business suua?


Inuussutissarsiortut kattuffiat Arctic Circle Business namminersortuusoq Qeqqata Kommuniani suliffeqarfinnik siuarsaanermik aallussaqartuuvoq. Qeqqata Kommuniani suliffeqarfiit peqatigiiffiillu 65-it Arctic Circle Businessimi ilaasortaapput.

Taannali pisortanngornerminiit ukioq ataaseq suli qaangiutinngitsoq tunuarniuteqaqqammerpoqrpoq. 

- Siulersuisut Louise Lynge 
Berthelsenip tunuarniuteqarnera 
uggoreqaat.

- Arctic Circle Businessip pisortaatut atorfik qanittukkut inuttassarsiuunneqassaaq, siulersuisut tusagassiuutinut nalunaarput.

Louise Lynge Berthelsen nutaanik misilitassarsiorusulluni pisortatut tunuarnitueqartoq, tusagassiuutinut nalunaarutaanni allaqqavoq.

AAMMA ATUARUK Nuummi atisanik ilusilersuisartoq Arctic Circle Businessimi pisortanngulersoq

Pisortatut taamaatittussanngortoq sulerilertussanngornini ilisimatitsissutigerusunngikkallarpaa. Kisianni ilaquttanilu Sisimiuniit nuunnissartik pilersaarutiginngikkallaritsik oqarpoq. 

Arctic Circle Business Qeqqata Kommuniani inuussutissarsiortunik, aallarnisaasunik takornarialerisunillu siuarsaanermik aallussaqarpoq.

Louise Lynge Berthelsenilu tassani ukioq manna marsip qaammataanili pisortaavoq.

Taanna ACB-p pisortaatut atorfinittussanngorami atisanik ilusilersuisarfiup Nuuk Couturep pisortaatut februaarimi tunuarpoq.

AAMMA ATUARUK Modebrandet Nuuk Couture får ny direktør

ACB-mi pisortanngoqqammitsiartoq coronavirusi Danmarkimi tuniluutilerpoq, nunat killeqarfiit matorarneqarput nunatsinnilu killilersuisoqalerluni. 

- Taamaammat inuussutissarsiornermi ingerlaannartoqarnissaa ikiuutissanillu suliaqarneq pisortanngoqqammernerani pingaarnerpaajusimasut, siulersuisut nalunaarumminni allapput.

- Louisep pisortaallatsiarnermini suliffeqarfiup
nukittorsarnissaa angusinnaasimavaa, taamaaqataanilllu Arctic Circle Businessip
ilisimaneqarnera annertusarsimallugu, maaniinnaanngitsoq aammali nunani allani.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat