Suliffeqarfinni sulisunut pissutsit Sullivinnik nakkutilliisoqarfiup misissuiffigilerai
Nunatsinni suliffeqarfinni sulisunut pissutsit qanoq innerini tamakkiinerusumik paasisaqarfiginissaat siunertarineqarpoq.
- Kalaallit Nunaanni suliffeqarfiit tamarmik nakkutigineqarnissaat pingaartipparput. Suliffeqarfinni tamani sulisunut pissutsit torersuussapput, taamaattumillu ukiuni tallimani tulliuttuni avammut sammisumik pilersaarusiorpugut, Sullivinnik Nakkutilliisoqarfimmi pisortaq, Kristina Nordby, taama oqarpoq.
Suliffeqarfinnilli nakkutilliinerinnaq naammanngitsoq aamma erseqqissarpaa.
- Kalaallit Nunaanni suliffeqarfippassuit pissusaasa allanngortinnissaat kissaatigaarput, ilitsersuinerlu aamma ilinniartitsineq suliatta ilagaat, taamaalilluni suliffeqarfiit namminneq sulliviit avatangiisiinik naliliisarnissaat anguniarlugu, Nordby tusagassiorfinnut nalunaaruteqarluni taama allappoq.