Arabiamiut eqqissiviilliornerat issittumi malugineqarpoq
- Kangiani qiterlermi eqqissiviilliortoqarnerata kinguneranik issittumi uuliaqarsinnaanera aatsasat taamak pingaaruteqartigaaq, issittumi nunat siuttuisa ataatsimiinneranni Kuupik Kleist naqissusiilluni taamatut oqarpoq.
Kangiani qiterlermi naalagaaffiit uuliaateqartut ilaanni Qatar-imi aviisi Gulf Times ullumi saqqummersoq, Kalaallit Nunaanni uuliasiorniarlutik mississuisut 20-it allaaseraat.
Libyami eqqissiviiliornerit aallaavigalugit, issittumi uuliasiorniarluni misissuinerit avatangiisinut illersuiniaqatigiit akerlilersuinerat Kuupik Kleistip isornartorsiuinera aviisimi Gulf Times-imi maluginiarneqarpoq.
Issitumi uuliaqarsinnaanera nunarsuarmit tamarmit soqutigineqartorujussuuvoq, ullunilu kinugllerni kangiani qiterlermi eqqissiviilliornerit annertusineratigut issitumi nunat soqutigineqaleriartorput.
Nunarsuarmi uuliap akiata allanngoriartornera qanimut malinnaavigaarput, avatitsinilu pisunit sunnertissimavugut, Kuupik Kleist issitumi nunat siuttuisa Ottawa-mi ataatsimiinneranni oqarnera, Qatar-imi aviisimi Gulf Times-imi issuarneqarpoq.
