Aquuteralallutik motooriiartut
Arfininngormat silarluleruttoraa ilaqutariit Maniitsumiit Kangaamiuliartillutik imaannarmi aquuteralaminnik unittoorput.
Angajoqqaat sisamanik qitornallit Kangaamiunukartillutik aquuteralaminnik unittooramik qeqertamut illuaralimmut niusariaqarsimapput.
- Arfininngormat ullaakkut arfineq-marlunut tanneq pingasut missaani ilaqutariit ittuat oqarasuaat angallattagaq orsuerutilersoq atorlugu politiinut sianerpoq Kangaamiut eqqaani qeqertamut nunnissimanerarlutik, Maniitsup politeeqarfiani politii Jens Svenson taama oqarpoq.
Politiit angallatiminnik qeqertamut ilaqutariinnik aallersimapput inoqutigiit tamarmik ajunngitsut oqaatigineqarpoq politiillu aquuteralak aallartissinnaasimavaat. Ilaqutariit ittuat umiatsiaminnik Kangaamiuliartoq sinneri politiit angallataannut ilaallutik Maniitsuliaqataasimasut, Maniitsumi politiip oqaluttuaraa.