Aqutsiveqarfimmi Nuuk-Paamiuni saattuarniarneq unitsinneqassaaq
Aqutsiveqarfimmi Nuuk-Paamiuni saattuarniarneq unitsikkallarneqarpoq. Kalaallit Nunaanni Aalisarsinnaanermut Akuersissutinik Nakkutilliisoqarfik tusagassiutinut taama nalunaaruteqarpoq.
Allattoq Mads Lynge
juunip 04-at 2018 07:25
Aqutsiveqarfimmi Nuuk-Paamiuni saattuarniarneq ukioq manna kingusinnerpaamik juunip ulluisa tallimaanni nalunaaqutaq 24.00 unitsinneqassasoq, nakkutilliisoqarfiup nalunaarutigaa.
Saattuarniutit kingullermik sapaatiuppat juunip ulluisa pingajuanni ninginneqarsimassapput, ullorlu tunitsiviusussaq kingulleq tassaalluni juunip tallimaat.
Aqutsiveqarfik Nuuk-Paamiut oktobarip 15-ianni 2018-imi saattuarniarfioqqilissaaq.
Aqutsiveqarfimmi saattuartassat 1.200 tonsiupput maajillu 28-iat tikillugu 838 tonsit pisarineqarsimapput.