Aqqut nalunaaqqutsersunga ingerlaarfigineqarsinnaanngorpoq
Narsarsuup eqqaatungaaniit Igaliko aqqusaarlugu Qaqortumut aqqut 50 kilometerisut isorartutigisoq nalunaaqqutsersugaq maanna ingerlaarfigineqarsinnaanngorpoq.
Inussuit, ujaqqat qaarsuillu aappaluttumik qalipaatillit aqqusiami naammattuugassaaput, taakkualu Kujataani asilerisumit, innuttaasunit, takornarianik pisutitsinermik ataatsimiititaliamit aallartitanit kiisalu Danmarkimi Dansk Fjeldvandrerklubbimeersunit suliarineqarput.
Aqqummi takuneqarsinnaapput, kulturikkut misigisassat pinngortitarlu alianaalluinnartoq. Igalikop tungaanut ingerlaarnermi Qaqortukuluumi oqaluffeqarfikut aamma naammattuugassaaput.
Aqqummik nalunaarsuinikkut takornariat pisuinnaat pitsaasunik atugassaqartinneqalerput,
Kommune Kujalleq takornariaqartitsivik Greenland Sagalands suleqatigalugu aamma illuaqqamik unnuiffiusinnaasumik pinartoqartillugulu atorneqarsinnaasumik pilersitsimmata.
Suleqatigiissitamit nutaamit Narsamiit Qassiarsummut aqqut nalunaaqqutserneqarnissaa maanna sulissutigineqalerpoq.
Aqqutit pillugit kingusinnerusukkut naqitaaraliortoqarumaarpoq.
