Aqqusiniliassat qeriuaannanngitsumi sanaajusariaqarnerat

Sisimiut Kangerlussuullu akornanni aqquserniornissamut pilersaarut nunap qeriuaannarnissaa naatsorsuutigalugu suliaasimavoq. Sulilu aqquserniortoqanngitsoq nunali qeriuaannartoq aassappat ajornartorsiortitsilersinnaasoq, misissueqqaarnerni Asiaq-mi ilisimatuutut atorfilik Jens Nykjær Larsen isumaqarpoq.

- Aqquserniorniaraanni nunap ullumikkut pissusaa soorlu qeriuaannarnera eqqarsaatigisariaqarpoq. Aqqusineq nalinginnaasumik ukiuni 100-linni atasinnaasutut naatsorsortarparput, taamaattumik ukiut taakku ingerlaneranni nuna qeriuaannartoq aakkiartulertussaammat tamanna ilanngullugu eqqarsaatigineqartariaqarpoq. Jens Nykjær Larsen nassuiavoq.

Taamaattumik aqquserniornissamik pilersaaruteqaraanni allannguutaasinnaasut ilanngullugit eqqarsaatigisariaqartut erseqqissaatigaa.

Sisimiut borgmesteriat Hermann Berthelsen KNR Avannaanut oqarpoq aqqusiniornissamut atatillugu kommunimi inuttaasut paasitinniarlugit ulluni makkunerpiaq nassuiaassiffigineqaqattaartut. Timmisartunillu nunap ukiukkut pissusaa misisissorneqartoq, sulilu naatsorsuinerit ingerlanneqartut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat