Aqqusinikkut angallannermut inatsisissaq

Aqqusinikkut angallanneq pillugu inatsimmik Kalaallit Nunaanni nutarterisoqarnissaa qanittukkut pinavianngilaq. Biilinik qamuteralannillu angallatillit ukioq 2007-imi aatsaat nutaanik malittarisassaqalissapput

Aqqusinikkut angallannermi sorpiaat allannguutaassanersut kalaallit biilinik qamuteralannilluunniit ingerlatsisartut suli paasisaqarfigisinnaanngikkallarpaat, Inatsisinut allannguutissat suussanersut Atortitsinermut Danmarkimi ministereqarfimmi allaffimmi pisortap. Michael Høyerip, maanna saqqummiukkusunngimmagit, pilersaarutilli sumut killippat? - Oqarsinnaavunga suliaq pilersaarutit malillugit ingerlammat, ima paasillugu, inatsisissamut siunnersuusiorpugut, taassumalu Kalaallit Nunaanni oqartussaasunit aappaagu upernaakkut suliarineqarnissaa naatsorsuutigaarput, Danmarkimilu aqqusinikkut angallannermut inatsisissamut siunnersuut aappaagu ukiakkut uagut taamaalilluta saqqummiussinnaassavarput, Michael Høyer oqarpoq.

Kalaallit Nunaanni inatsisip kukkunersiorneqarnera sivisuumik ingerlanneqarsimavoq, kukkunersiuineq Angallanneq pillugu ministereqarfimmit ingerlanneqarsimagaluarpoq, maannali Inatsisinut Atortitsinermut ministereqarfimmit ingerlanneqarluni.

Suliaq uagut ingerlatileratsigu kinguninngua unittooraluariarluni, nutaanik isumassarsisoqarmat tamakku aamma misissorpavut, maannali tassa aalajangerpugut suliaq naammassisariaqalersoq, Michael Høyer oqarpoq.

Taanna aamma oqarpoq, kalaallit Nunaanni aqqusinikkut angallannermut inatsisit nutarterneqarnissaat pisariaqarluinnartoq.

Radioaviisip paasisai naapertorlugit, inatsit nutaaq atuutilerpat biilertilluni qitequteqartarnissaq kalaallinut biilertunut piumasaqaataalissaaq, biilertillunilu oqarasuaatit angallattakkat atornissaat inerteqqutaalissalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat