Aappaagu januaarip aallaqqataaniit pujortartarnermut inatsit sukaterniarneqalerpoq. Naalakkersuisut siunnerfigaat illoqarfiup iluani aqqusiniinnarmi pujortartarnerup inerteqqutigineqalernissaa. Peqqissutsimut naalakkersuisoq Asii Chemnitz Narup taama oqarpoq: - Pujortartarnerup peqqissutsitsinnut akornutaavallaaleqimmat, sakkortuumillu iliuuseqartoqartariaqalermat taamatut siunnersuuteqarpugut, peqqissutsimut naalakkersuisoq Asii Chemnitz Narup oqarpoq.
Siunnersuummi ilaavoq unioqqutitsinikkut akiliisitaasalernissaq. Siunnerfigisaq tassaavoq 200 koruuninik akiliisitaasalernissaq, pingasoriarlunilu unioqqutitsisoqarsimappat pinngitsaaliissumik pujortarunnaartitsinissamik neqerooruteqartoqartassaaq.
Siunnersuut illuatungiliuttunit aamma tapersersorneqarpoq. Demokraatit siulittaasuat Per Berthelsen ima oqarpoq: - Oqartariaqarpugut inuiaqatigiinnut akisuallaalersoq imminut paarinnginnerujussuaq, taamaattumik naalakkersuisut tungaaninngaanniit siunnersuut tapersissavarput, Per Berthelsen tunngavilersorpoq.
Siunnersuut taamaalilluni inatsisartuni akuersissutigineqarnissaa ilimanarsivoq. Siunnersuut pillugu Atassummeersumik Kattusseqatigiinneersumillu oqaaseqartitsiniaraluaratta iluatsinngilarput.
