ASSIT Aqqusineq Dronning Margrethe II atoqqaarfissiorneqarpoq

Nuummi illoqarfiup ilaani Qinngutsinni aqqusinertaaq dronningip atoqqaarfissiormagu, qanoq ateqarnersoq aamma uleerneqarpoq.
Assi © : KNR
Assi © : KNR
Assi © : KNR
Assi © : KNR
Assi © : KNR
Assi © : KNR
Assi © : KNR
Assi © : KNR
Assi © : KNR
Allattoq Aaqqissuisoqarfik
juulip 22-at 2015 15:48

Nuummi sila qulisimalluni nillikujuttoq inuit, atuarfimmiillu meeqqat, Qinngutsinni Suloqqap Igimallu aqquserngisa naapiffianni katersuupput.

Aqqusinertaassap atia annoraaminermik tungujortumik qallerneqarsimavoq, aqquserngullu aallartiffiani erfalasulerfiit aqornanni qileruserneqarsimalluni kipisassamik.

Ataqqinartorsuaq Dronning Margrethe II Kunngikkormiusullu ataqqinassusilik Prins Henrillu takkummata containerimi oqquiffissami issiavilersorsimasumi ataatsimiititaliami siulittaasoq Mille Søvndahl Pedersen, ilinniartitsisoq soraarneq 90-inik ukiulik Naja Møller Sandborg, borgmesteri Asii Chemnitz Narup, Naalakkersuisut siulittaasuat Kim Kielsen, dronningi uialu ingillutik aqqusineq pillugu oqaloqatigipput.

Dronningillu aqquserngup atissaata allagartaa uleerpaa, aqquserngullu qilerutaa kipillugu. Kunngikkormiullu ingerlaaqataallu siulliullutik aqqusinertaaq ingerlaffigaat.

Aqqusineq ateqalerpoq: Aqqusineq Dronning Margrethe II

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq