Aqqusineq asfaltilersugaq piumavaat

Kangerlussuup Sisimiullu akornanni aqqusinniornissamut Sisimiut Kommuniata siunnersuutaa, Sisimiuni inuussutissarsiornermik siunnersuisoqatigiit tapersersorpaat.

Isumalioqatigiissitaliap siunnersuummut tapersersuinermini tunngavilersuutigaa aqqusineq asfaltilersugaanngitsoq ajortunngujannginnerussammat aserfallatsaaliuinermilu aningaasartuutit annikinnerussammata.

- Sisimiut Kangerlussuullu akornanni aqqusineqarnissaa tapersersorparput, taamaattoqarneratigut aningaasarsiornikkut alliartorfiit taakku marluk atorluarneruniassagatsigit, inuussutissarsiornermi pisortaq Frank Nielsen tunngavilersorpoq.

Suleqatigiissitaliap Namminersornerullutik Oqartussanit pilersitap asfaltilersukkamik aqqusinniortoqarnissaa siunnersuutigaa. Siunissarli isigalugu inuussutissarsiornermik siunnersuisoqatigiit tamanna orniginartinngilaat.

Aqqusinissap akissaa aamma eqqarsaatigalugu inuussutissarsiornermik siunnersuisoqatigiit Sisimiut Kommuniata siunnersuutaa tapersersorpaat.

Aqqusinissaq asfaltilersugaanngitsoq 250 mio. kr.-it miss. akeqassangatinneqarpoq, asfaltilersugarlu 500 mio. kr.-t pallillugit akeqassangatinneqarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat