Aqquserngup sinaa navianartoq iluarsineqarpoq

Sumiiffimmi ataatsimi biilinik marloriarluni ajutoortoqareersoq Kommuneqarfik Sermersuup aqquserngup sinaa iluarsinialerpaa.
Allattoq Noah Mølgaard, Simon Uldum
decembarip 17-at 2012 10:34

Biilimik aqutsisup biili aqussinnaajunnaarmagu Nuussuup pigisaani Qassuserfimmi tallimanngormat ullaakkut biilit aporput. Aqquserngup asfaltimik nutaamik qallersorneqarnerani aqquserngup sinaata portuallaalerneranik ajutoorneq peqquteqarpoq. Biilip assakaasuisa aqquserngup sinaanik kipungasumik eqquinerisigut navianartumik pisoqarsinnaanera paasineqarpoq.

- Aqquserngup nunallu qalligaannitsup portussutsimikkut assigiinngissusaat 5-8 centimeteriuvoq, kommunillu maanna  ujaraaqqanik qallersorniarlugu nuna qalligaanngitsoq assappaa. Sulineq ullunik marlussunnik sivisussangatinneqartoq, Kommuneqarfik Sermersuumi sanaartornermut avatangiisinullu pisortaq Thorkild Mørk Rønbøl Lauridsen KNR.gl-imut oqarpoq.

Aqquserngup sinaa maanna nalunaaqutsersorneqarsimavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq