Aqquserngit kalaallisut atsersorneqarulerput

- Kissarneqqortuunnguamut, Nuummi taxanut ikisut ilaat oqarpoq.

Taxartartoq savalimmiormiu tamanna pillugu akivoq, inuit amerlanerit Kissarneqqortuunnguaq sumiinnersoq nalugaat, namminerli Vandsøvejiliaassisinnaalluni.

Nuummi aqquserngit aqqi danskisoortut illoqarfinni allanisulli kalaallisuunik taarsersorneqaleruttorput. Soorlu assersuutigalugu Vandsøvej atorunnaarpoq, taasiullugulu ateqalerpoq: Kissarneqqortuunnguaq. Taamatuttaaq Foxvej eqqumiitsuliortup Hans Lyngeugaluup aqissimik perngarfigisimammagu ateqalerpoq: Perngarfik.

Taamatorluinnaq aamma ippoq illoqarfinni arlalinni. Aqquserngit ”vej”-imik naanillit ”aqqutaa”-nik maanna taarsersorneqalerput.

Narsami aqquserngit aqqi tamarmik aappaagu taarserneqassasut, akikitsuinnaanavianngitsorli kommunemi driftstekniker Sten Ole Jensen oqarpoq:

- 150.000 koruuninik aningaasartuuteqarnissarput naatsorsuutigaarput, kalaallinngorsaanerlu eqqarsaatigalugu taamaaliornissaq piffissanngorpoq. Kommunalbestyrelse aamma tamanna tunngavigalugu allanngortiterisoqassasoq aalajangerpoq. Sten Ole Jensen oqarpoq.

Aqquserngit aqqisa kalaallisut taarsersorneqarnerat pillugu oqaasiliortut siulittaasuat Carl Christian Olsen nassuiaavoq, ukiuni kingulliunerusuni nunat inuillu aqqinik kalaallisut atsersuineq atugaaneruleriartorsimasoq.

Danskisut atsersuisarsimaneq pillugu ima oqarpoq:

- Soorlu kæmnereqarnerup nalaani 1950-ikkunni Danmarkip nunattalu akornanni atit pingaartinneqartut atsersuinermi atorneqartarsimapput, soorlu aamma imeqarfiup aqqi danskisut taaginnavillugit atorneqartarsimasut. Oqaatsilli ”vej”-mik naanillit ilaatigut ”aqqutaa-nik taaginnartalernerat aamma ajornaquteqanngitsumik atorneqalereerpoq. Carl Christian Olsen, Puju, taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat