Aqqunerngit pillugit isumasioqatigiittoqalerpoq

Issittumi aqqusinigut silaannaap allanngoriartorneranit innarlerneqassappat?

Apeqqutit taama ittut allarpassuillu issittumi aqquserngit pillugit isumasioqatigiinnissami aqqusin¬niornermik ilisimaarisallit akornanni oqallisaalluassapput.

Isumasioqatigiinnissaq Sisimiuni marsip ulluisa pingajuanniit tallimaannut ingerlanneqassaaq, Issittullu eq¬qaani najugallit peqataarusuttut massakkumut 100-it nalunaaruteqareernikuupput. Ruslandimi, Finlandimi, Sverigemi, Norgemi, Islandimi Kalaallit Nunaanni Issittullu avataani najuga¬qarfinniit Skotland-imi Danmarkimilu aqqusinniornermi pisortaqarfinniit tassani saqqumiussuisoqassaaq.

ARTEK-ip qitiusumik ingerlatsiviani pisortap, professor Arne Villumsenip, issittumi nunat tamarmik peqataatitaqarnissaat nuannaarutigivaa. ”Issittumi nunallit tamarmiullutik aqqusinernut tunngasut oqallisigeqatigiinnissaannut periarfissatsialammik ingerlatsisussanngorpugut”, Arne Villumsen oqarpoq.

Silaannaap allanngoriartorneranik apeqqut pingaaruteqartuuvoq, neriunarporlu issittumi najugallit isumasioqatigiinnermi peqataasussat sanaartornikkut periusissanik aserfallatsaaleeriaasissamillu pitsaanerpaanik isumaqatigiissuteqarsinnaanissaat.