Aqqartartoq tigusarineqartoq

Angallassuaq aqqartartoq nammineq sanaaq ikiaroortartumik anngiortumik eqqussinissamut naatsorsuussaq, Guatemalap oqartussaasuinit USA-p sinerissamik nakkutilliisui suleqatigalugit tigusaraat.

Aqqartartoq Guatemalap sineriaanit 280 kilometerisut avasitsigisumi unitsinneqarpoq.

Kokain ti tonsi taassuma usigaa. Colombiamiut pingasut Mexicomiorlu ataaseq tigusarineqarput.

Angallatinik taama ittunik sumiiffimmi oqartussaasut siullermeerlutik tigusarinninngillat. Taakku aqqavissinnaanngillat, umiatsialli timitaa tamakkerlugu immap iluaniittussianngorlugu sanaajupput taamaalillutik radarikkut takujuminaattarlutik.

Ikiaroornartoq arsaarinnissutaasoq annertunerpaat ilagaat. Arsaarinninneq manna tikillugu annerpaaq 2007-imi apriilimi pivoq, taamani USA-p sinerissamik nakkutilliisuisa kokain 20 tonsingajalluinnaq arsaarinnissutigimmassuk.

Ikiaroortartunik niuerniartartut oqartussaasunit malersorneqarlutik tatineqarnerannit, aqqartartut isumatusaartumik nammineq sanaat taakku ilagaat. Taama tatinninnerup USA-mi niuerfioqisumut ikiaroorniutinik anngiortumik eqqussinissamut ikiaroornartumik niuerniartartut allaanerusumik periusissarsiortilersimavai.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat