Aqqaluk Lynge: Nerisavut inuusaaserpullu nalilersortariaqarpagut
Nappaatini nunarsuatsinni atugaanerpaasut, HIV/AIDS, sukkorneq pualanerlu, piitsuunerpaanik, nunallu inuiinik amerlanertigut eqquisarput.
Nunat Inuiisa Ataatsimiittartoqatigiivisa ukiumoortumik ippassaq ataatsimiinneranni saqqummiunneqartumi Naalagaaffiit Peqatigiit peqqinnissamut immikkoortortaqarfiata WHO-p nalunaarusiaa, atuarneqarsinnaavoq.
Permanent Forumimi siulersusisunut ilaasortap Aqqaluk Lyngep paasisat annilaarnartoqartippai, isumaqarlunilu nunatsinnissaaq ajornartorsiutaasut.
-Isumaqarpunga qanoq inuuneqarnissarput tamattaalluta nalilersoqqittariaqaleripput. Nerisavut, inuusaaserpullu peqqinnissaq pillugu allanngortittariaqalerpavut. Taamaanngippat WHOp nalunaarusiaani allassimasut siunissami anigoruminaatsorujussuanngussasut, Aqqaluk Lynge New Yorkimiit nalunaarpoq.
