Aqqaluk Lynge: Ilisimasariaqarparput siunissami inuusaatsitta qanoq sunnigaasinnaanera

Umiarsuit Sullualukkooriartortut Kalaallit Nunaata sineriaatigut ingerlaartalerunik illoqarfiit nunaqarfiillu sarsuasalersussaassavaat. EU kommissionip nunat tamat suleqatigalugit pilersaarusiornerminni eqqaamasariaqarpaat, inoqarfiit tamakku nunap inoqqaavisa najugarimmatigit. Kalaallit Nunaanni ICC-ip siulittaasua, Aqqaluk Lynge taama oqarpoq.

- Eqqartukkatta ilagaat avatangiisitsinnut sunniutaasinnaasut misissorneqartut aammalu qanoq ililluta uangut sunneeqataasinnaanerput eqqartorlutigu.

EU-kommissionimi oqaloqatigiinnermi Aqqaluk Lyngip oqariartuutai pigaarnerit ilaatigut tamakkuupput .

Nunat issittuniittut inui taakkunanilu najugaqartut EU-kommissionimit pingajussaanik qaaqquneqarlutik Bruxellesimi oqaloqatigineqarput. Ammasumik oqaloqatigiinnermi inuit, indiaanerit saamillu kommissionimut qanoq kissaateqarnerminnik EU-mut saqqummiussipput.

- Eqqartorneqartut ilagaat, qanoq ilillutik EU-kormiut aalaakkaasumik issittormiunut attaveqartarsinnaappat? Aammalu pisortatigoortumik pioreersut saniatigut suut allat attaveqaataassappat? Issittumi tunngasunut EU qanoq piviusunngortitsisinnaava? Aammalu aningaasatigut peqataasinnaavungut? Aqqaluk Lynge oqarpoq.

Bruxellesimi naapeqatigiinneq ammasumik oqaloqatigiinneruvoq. Nunat inoqqaavisa kissaataannik tusarnaareerlutik, EUmi nunat neriorsuinatillu aalajangiinngillat. Taamaakkaluartoq pigaartuuvoq Kalaallit Nunaata oqariartuutigissagaa, nunarsuarmi pissutsinut malinnaagatta aammalu nunat issittoqarfiusut eqqaata pilersaarusiorfigineqarnera qanoq eqqummaariffigitigineripput. Aqqaluk Lynge oqarpoq.

- Ilisimasariaqarparput siunissami inuusaasitta qanoq sunnigaasinnaanera aamma inuutissarsiornerput qanoq sunnigaassanersoq. EU-p umiarsuaatai sinerissatigut angalalersussaammata taakku uatsinnut qanoq iliuuseqassappat, tassami EU-p suleqatigiinnermi demokrati toqqammavigimmagu. Aqqaluk Lynge naggasiivoq.