Aqqaluk Lynge angalaqataalu sammisassaaleqinngillat
Naalagaaffiit Peqatigiit nunat inuiinut suliniaqatigiiffiata, Permanent Forum-ip, ulluni tullittuni 14-ini New York-imi ataatsimeersuarnera ippassaq aallartippoq. Nunat issittuniittut sinnerlugit Aqqaluk Lynge Permanent Forum-imi siulittaasoqarfimmi ilaasortaavoq.
Nunat inuiisa ataatsimiittartoqatigiivi 16-inik ilaasortaqarpoq. Ilaasortat affaat naalagaaffiit naalakkersuisuinit toqqagaapput, affaallu nunat inuiisa suliniaqatigiiffiinit assigiinngitsunit toqqagaallutik. Ilaasortat 16-iusut nunarsuarmit tamarmeersut nunat inuii 300 millionit sinnerlugit ilaasortaapput.
Siulittaasoqarfiata sisamanik ilaasortallip siulittaasooqqittussatut toqqarpaat arnaq qeqertanit Filippinerineersoq, Victoria Tauli Corpus.
Aqqaluk Lynge ilanilu, ataatsimeersuarnerup saniatigut sammisassaaleqinnginnerarput, silaannaalluu kissakkiartornera qulequtaralugu ICC immikkut ittumik ataasinngorpat aaqqissuussiniartoq, Aqqaluk Lynge-p New York-imit nalunaarutigaa.
