Assi: Jonas Fievé

Aqqalu Jerimiassen isornartorsiorneqartuarsinnartoq

Inuussutissarsiornermut Nukissiuuteqarnermullu naalakkersuisup Aqqalu Jerimiassenip silap pissusiata allanngoriartornerata inunnit pilersinneqarsimaneranik qularuteqarnera, inatsisartuni partiini amerlanerussuteqartunit isornartorsiorneqarpoq.

Inuussutissarsiornermut Nukissiuuteqarnermullu naalakkersuisup Aqqalu Jerimiassenip silap pissusiata allanngoriartornerata inunnit pilersinneqarsimaneranik qularuteqarnera, Steen Lyngep, Demokraatineersup, Inuit Ataqatigiillu siulittaasuata Múte Bourup Egedep apeqquserpaat, Partii Nalerarlugu isornartorsiuisunut maanna ilannguppoq.

AAMMA ATUARUK Sofia Geisler Nikkulaammut tatiginninngilaq

Naalakkersuisup Aqqalu Jerimiassenip Sermitsiaq.AG-mut sapaatip-akunnerata siuliani ilaatigut oqaatigaa inuit silap pissusisata allanngoriartorneranut pisooqataanngitsut.

Aqqalu Jerimiassenip taama oqarnera Steen Lyngemit, Demokraatineersumit, isornartorsiorneqarpoq, nunatta tatiginassusaa innarlerneqartoq ilaatigut oqaatigalugu. Steen Lyngellu taama oqarnera Pele Brobergimit, Partii Naleqqameersumit, tapersersorneqarpoq:

- Nunaniit allaniit suliniuteqartut nunatta eqqugaaneranut tunngatillugu tunngaviusut pillugit angalasarnerat uani ajornartorsiutaagami, sunneeqataaniarsaralutik allanngueqataaniarsaralutik inuiaqatigiinnut allanut, Partii Naleraq sinnerlugu inatsisartunut ilaasortaq Pele Broberg taama oqarpoq.

AAMMA ATUARUK Silaannaap kissakkiartornera imatut upperinngilara

Nunatta silap pissusiata allanngoriartornerata akiorniarneqarneranut atatillugu maligassiuisuunissaanut aamma tunngavoq, Issittumi nunap inoqqaavinut sunniuteqaatit naalakkersuisunit aamma iliuuseqaqataaffiginiarneqarnerat nunanut allanut takutinneqartariaqartariaqartoq, Pele Broberg isumaqarpoq:

- Pinngortitap silap pissusianik nammineq allanngoriartortitsineranik naalakkersuisoq oqartoq nunat allat massakkut tusaasinnaalerunikku taava Kalaallit Nunaannut ikiuutaassanerlutik taava takujuminaatsilissagamikku. Taamaammat Aqqalu Jerimiassenip inuit silap pissusiata allanngoriartorneranik pisooqataanerannik oqarnerata tunngavissaqanngitsuuneranik Demokraatit Inuit Ataqatigiillu isornartorsiuinerat Partii Naleqqamit tapersersorparput, Partii Naleraq sinnerlugu inatsisartunut ilaasortaq Pele Broberg taama oqarpoq.

AAMMA ATUARUK Nunarsuup kissatsikkiartorneranik naalakkersuisup qularisaqarnera Aajap isornartorsioraa

Inuit silap pissusiata allanngoriartorneranut pisooqataanerannut pillugu oqaatsini Aqqalu Jerimiassenip siullermik oqaaseqarnermi kingorna erseqqissaateqarfigai, nammineq inuttut isummani annillugit, naalakkersuisullu sinnerlugit oqaaseqannginnerarluni.

Demokraatit Aqqalu Jerimiassenimik isornartorsiuinerat tapersersorlugu, Inuit Ataqatigiit siulittaasuata Múte Bourup Egedep oqaatigaa:

- Naalakkersuisutut taama pissusilersortoqarsinnaanngilaq. Nammineq isummat anninneqarnersut, naalakkersuisulluunniit sinnerlugit oqaaseqartoqarnersoq takuneqarsinnaanngilaq, Múte Bourup Egewde oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat