Aqqa Samuelsen Qasigiannguani atuarfimmi pisortanngornini pissutigalugu oktoberip qaammataani politikkimit tunuarpoq.Assi: Inuit Ataqatigiit

Aqqa Samuelsen partiimit partiimut nuunneq pillugu: Ingerlariaqqissaguma nutaanik anguniagaqartariaqarpunga

Inuit Ataqatigiit sinnerlugu Inatsisartunut ilaasortaasimasoq Aqqa Samuelsen kommunimut qinersinissamut Siumut sinnerlugu maanna qinigassanngortippoq.

Aqqa Samuelsenip pereersut aallaaviginagit inuttut alloriaqqikkusunnini partiimiit partiimut nuunnini tunngavilersuutigaa.

- Inuit Ataqatigiit paartiimi ataasinnguamilluunniit aaqqiagiingiissuteqartoqarneranik immaqalunniit akornutaasinnaasumik soqanngilanga. Taamaallaalliuna una aalajangerneq uanga inuttut nammineq aalajangernerigiga. Misigisimagama inuttut ingerlaqqissaguma alloriaqqinnissamik nutaamik pisariaqartitsillunga. Isummanik anguniakkanillu nutaanik toqqammaveqartariaqarlunga, Aqqa Samuelsen KNR-imut oqarpoq.

AAMMA ATUARUK Aqqa Samuelsen politikkimit tunuartoq

Aqqa Samuelsen Qasigiannguani atuarfimmi pisortanngornini pissutigalugu oktoberip qaammataani politikkimit tunuarpoq.

Siumulli nutaamik siulittaasortaarsimanera ilaatigut politikkikkut sulileqqikkusutsilersimavaa.

AAMMA ATUARUK Sisimiuni inuit ullormi ataatsimi qinersisoqarnissaa pillugu: Qinersiartorutta tamaasa naammassissavagut

Aqqa Samuelsenilli qinersisartut ilaasa uppernanngitsutut isigissappassuk paasisinnaassaneraa aperiganni ima akivoq:

- Soorunami partiimiit partiimut nuunnera inuit ilaasa pitsaanngitsutut tiguaat. Soorunalimi aamma illuatungaatigut inoqarpoq isumallualertunik neriullualertuillu aammalu taama iliornera pissusissamisoortutut isiginnittunik, Aqqa Samuelsen oqarpoq.

Aqqa Samuelsen Kommune Qeqertalimmi qinigassanngortippoq, tassani Inuit Ataqatigiinneersoq Ane Hansen maanna borgmesteriuvoq.

AAMMA ATUARUK Nalilersuineq: Urani qineqqusaarnermi eqqartorneqangaatsiassaaq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat