Aqagu Asanninnerup Ullua
februaarip 13-at 2007 16:13
Aqagu ulloq tassaavoq Asanninnerup Ullua, Valentins Dag, ullullu nalliussinissaa piareersarneqaleruttorpoq. Ullormi tassani naasunik sukkulaatinilluunniit nalinginnaasumik tunioraattoqartarpoq, imaluunniit asannittunik allaffigeqattaattoqartarluni, kisianni Filippinerini allatut periaaseqartartut, nutaarsiassaqartitsivimmi Ritzauimi allaaserineqarpoq.
Filippinerini Asanninnerup Ulluani nuliaq peqatigalugu angerlarsimasoqartarpoq, ullorli taanna sioqqullugu, tassa ullumikkut 13-anni aqaguagulu, februaarip 15-anni, angutit arnaatitik ilagalugit hotelimi unnuisarput. Hotelimilu ininik amerlaqisunik ulluni taakkunani inniminniisoqartartoq Ritzaumi allaaserineqarpoq.
