Nuuk Apukkaminik qimaannaasoq taxartitsisumit malinneqartoq

Biili aquttumit ilaasumillu qimaannarneqarsimavoq, takunnittulli ikiuunneratigut biili sumiissuserneqarpoq politiillu qimmiata ujaasillaqqinneratigut inissiaq inuit marluk isersimaffigisaat nassaarineqarsinnaasimavoq.

Apuisoq tigusarineqareerpoq, arnarlu niaqqumigut pingasunik seeqqumigullu qulingiluanik kiloqarpoq.

Inuttaasoq isumassarseriallaqqissoq iluaqutigalugu pinerluttoq nassaaritoq politiit nalunaarutigaat.

Apuisoq kingorna qimaavoq takunnittullu arlallit politiinut attaveqarput, ambulancellu ornigullutik.

Takunnittut ilaat, taxartitsisoq immikkut illuinnartumik iliuuseqarpoq. Nammineerluni iliuuseqarluni apuisup biilia malippaa, kingornalu politiit attaveqarfigalugit.

Biilimik aquttup ilaasullu inissiaqarfiit eqqaanni biili qimaannarsimavaat toqqorlutillu. Taxartitsisulli biili ilisaraa politiillu qimmeq ikiorsiullugu inuit marluk arnamik apuisut inissiamiittut nassaarivaat.

- Innuttaasut tulluartumik namminneq iliuuseqarsinnaasut, inuiaqatigiinni pisariaqartippagut. Pinerluttoqarsimanera pasitsaanneqarpat politiit attavigineqassapput - pinerlunnerit politiinit misissorneqartussaammata, vicepolitiinspektøri Sebastian Bech oqarpoq.

Apuisoq tigusarineqareersoq Nuummi Politiit nalunaarutigaat.