Apriilip aallaaqqaataani salloqittaanerpassuit
Maani Radioaviisimi salloqittaalluta oqaluttuaraarput Kommune Kujalleq qullartaasiamik motoorilimmik pisilersaalersoq, taqqavani angallannerup ilungersunarnerujussua aaqqiivigineqarniassammat.
Aamma Danmarkimi nutaarsiassaqartitsiviit isumassarsiorlualaavissimapput- soorlu Københavnimi radiup P4-p oqaluttuaraa, aalisakkat kigutillit inunnik saassussisinnaasut Danmarks Akvariumimit Øresundimut aniasoorutigineqarsimasut.
Berlingske Tidendep allaaseraa, Dronningip qalipagai Skovgaard Museumimit tillinneqarsimasut.
Tyrkiamiusut nittartakkami aviisimi haber.dk-mi allaaserineqarpoq, Danmarkimi siornatigut ministeriunerusoq Anders Fogh Rasmussen Tyrkiamiunit kingoqqisuusoq, tassamigooq taassuma aataqqeeqqiia imaani ujajaasuusimammat, 1700-kkunni Savalimmiunut aamma Shetlandip Qeqertaannut ujajaaniartarsimasoq.
Nunai allamiut salloqittaataanni oqaatigineqarsinnaasut ilagaat Tuluit aviisianni The Sun-imi allaaserineqamat, aviisimik mamassusillimmik siullerpaallutik aviisiliorsiomallutik.
Aamma Norgimi aviisimi Dagens Næringsliv-imi allaaserineqarpoq, Finlandimiut timmisartortitseqatigiiffiata Finnairip ilaasuni timmisartornerini sauna-rsinnaanerinik neqeroorfigisalerai.
