Appeq pineqartoq, Hongkongmi akerliussutsimik takutitsisoqartarnerani pingaarutilittut atorneqarpoq, akerliussutsimik takutitsisut politiinit takuneqannginnissaannut atorneqartarami.Assi: Tyrone Siu/Reuters/Ritzau Scanpix

Applep appeq akerliussutsimik takutitsinermi atorneqartarmat atorunnaarsippaa

Applemi appeq Hongkongimi akerliussutsimik takutitsinermi politiit sumiinnerannik nalunaarsuisartoq Kinamit sakkortuumik isornartorsiorneqarpoq.

Hongkongimi akerliussutsimik takutitsinermi qarasaasiap Applep atortua app-eq atorneqartarnera pissutigalugu tuniniarneqarnera unitsinneqarpoq, appeq- taanna Hongkongimi akerliussutsimik takutitsisoqarnerani politiit sumut ingerlaarnerat takuneqarsinnaasimavoq.

Nutaarsiassaqartitsiviit arlaqartut taama allaaserisaqarput.

Appeq taaguuteqarpoq HongKongmap.live, appip taassuma ineriartortinneqarneranut suliaqarsimasut pillugit Applemit oqaatigineqarpoq, Appeq taanna Hongkongimi innuttaasunut politiinullu ulorianartorsiortitsisoq, AFP taama allaaserisaqarpoq.

AAMMA ATUARUK Qaartartut ikuallassaatillit gassilu qulliliornartoq Hongkongimi atorneqartut

Applemit oqaatigineqarpoq, appeq pineqartoq misissorsimallugu, atuisartut isumakuluttut amerlasuut Applemut saaffiginninnerisa kingorna.

Applemit taama nalunaaruteqartoqarpoq, Kinami kommunistit partiiata pisortatigoortumik aviisiata appeq toqunartutut Hongkongimilu akerliussutsimik takutitsisunut pisooqataasutut assuaralugu allaaserinninnerata kingorna.

Appeq pineqartoq, Hongkongmi akerliussutsimik takutitsisoqartarnerani pingaarutilittut atorneqarpoq, akerliussutsimik takutitsisut politiinit takuneqannginnissaannut atorneqartarami.

AAMMA ATUARUK Aviisi: Hongkongimi akerliussutsimik takutitsisoq aallaaneqartoq

Hongkongimi akerliussutsimik takutitsinerit aasarli aallartipput tamatumalu kingorna politikkikkut ajornartorsiortoqalerluni.

Akerliussutsimik takutitsinerit aallartipput, Hongkongimi innuttaasut Kinami eqqartuussisutigut malersorneqarsinnaalernissaannik inatsisitigut sinnersuut saqqummiunneqarmalli. Taamanili Kinami aqutsisunut akerliunerit annertusiartuinnarput.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat