Apple-ip pisiassaatini "kanngutaatsut" piiarpai

"Kannguttaatsuliatut" nalilikkat tassaasinnaapput arnaq atisaqarpianngitsoq, pinnguaatilluunniit atoqatigiinnermut tunngatitat. Tamakkua tamarmik manna tikillugu qarasaasialiorfiup pisiniarfianiit Apple Storemi Internettimit toqqorneqarsinnaasaraluarput, suliffeqarfiulli maanna programmit imaluunniit taaneqartartut Applikations tuusintilippassuit peerpai, taama DR tusagassiivoq.

Apple-ip taamaaliornera programminik suliarinnittut kamaatigaat. Apple-ip uagut inuussutissarsiutivut misiligaatigai, John Atherton programminik ineriartortitsisoq oqarpoq, taannalumi kisiartaanngilaq. Manna tikillugu Apple Store programminik atoqatigiinnertalinnik tuniniaasunut iluanaarfissuusimagaluarpoq. Namminersortumik tuniniaasut annertuut ilaat ullormut 3.000 kr.-inik iluanaartarput taakkuli Apple-ip pisiniarfini salereeraalu 40 kr.-inut appariarsimallutik. Apple-tmi nittarsaassinermut pisortap Phil Schillerip oqarnera naapertorlugu naammagittaalliortoqartarnera pissutigalugu programmit peerneqarnissaat aalajangerneqarsimavoq. Arnat naammagittaalliortut killiffigaavut, taakkua isumaqarmata imarineqartut nikassaaneruallaartut mamiatsannarlutillu, tamatumalu peqatigisaanik angajoqqaat naammagittaalliortarput kamaatigalugulu tamakkua meeqqamik isiginnaartarmatigik, Phil Schiller oqarpoq.