Appat timmissat nualluutaannik toqquteqarsimasut
Danmarkimi DTU Veterinærinstituttet, Danmarks Tekniske Universitetimeersut Pinngortitaleriffimmeersullu suleqatigiinnerisigut appat toqoraannarsimasut akornanni 45-t misisssorneqarneranni taama inerniliisoqarpoq.
Aamma atuaruk Pinngortitaleriffik iliuuseqaqqusisoq: Appat ukiuni qulini eqqissitivinneqarlik
Pinngortitaleriffiulli aamma oqaatigaa timmissat nualluutaannik nappaateqalersimasut tuniluuppallaanngitsumik tunillanneqarsimasut nalunaarutigineqartoq, aarleqquteqartoqartariaqanngitsorlu.
Timmissat nualluutaat Nunatsinni timmisat akornanni aatsaat naammattoorneqanngilaq, nualluummi pineqartoq timmissat nujuartat akornanni naammattuugassaasarmat. Nerlerit naajakkullu ilaasa anaanni virusimik taamaattumik DTU Veterinærinstituttetip Nunatsinni siusinnerusukkut nassaarisarsimavai.
Aamma atuaruk Kujataani appaqassuseq pillugu Naaja paasitinneqarusuttoq
Appat toquinnarsimasut toqoraannannginneranni saloreersimasinnaanissaat immikkut ilisimasallit ilimagaat:
- Immaqa ukiup anorersui aallartinnginnerannilu saloreersimasinnaapput, taamaattumillu akiuussutissaqarpallaarsimassanatik, immikkut ilisimasalik Flemming Ravn Merkel oqarpoq.
Immikkut ilisimasallit misissuinerni inerneri ilisimatusartartut allaaserinnittarfianni atuagassiami Avian Diseasesimi saqqummiunneqarput.