Appat inaat appaarunnissaminut navianartorsiortoq

Timmissat inaat Innaq, Qeqertarsuup Tunuani Alluttumiittoq, sinerissap ilarujussuani tassa Maniitsumit Upernavimmut, appaqarfinni kiserngoruttoq appaarunnissaminut aamma navianartorsiorpoq. Appat tamaani ikiliartornerat ingerlaannassappat, Nunatsinni timmiaqarfik immikkuullarissoq annaaneqassaaq.

Timmissat inaanni Innami 1980-ikkunni appat piaqqisartut 4.000-iupput, ullutsinnili 1.050-iinnanngorsimallutik. Tamaani appat amerliartornerannut takussutissaqanngilaq, taamaattumik timmissat inaat timmiaarunnissaminut navianartorsiorpoq.

Nunat tamalaat siunnersuutaat naapertorlugit, timmissat inaanni Innatut angissusillimi ukiumut timmissat qulit pisarineqarsinnaapput, tamannalu nungusaataanavianngitsoq oqaatigineqarluni.

Unioqqutitsillunili piniarneq ataasiinnarluunniit nungukkiartornerannut aalajangeeqataasinnaavoq.

Qeqertarsuup Tunuani upernarnerani pinialuttarneq akornusersuisarnerlu nungukkiartuutaanerpaasut, pinngortitaleriffik nittartakkamini allappoq.