Appaqarfiit nunatsinni ikiliartuinnarput

Appat ikiliartorunnaarnissaannik Naalakkersuisut iliuusissanik aallartitsipput

Timmissat Nuuttartut ulluannut atatilugu, Kalaallit Nunaanni appat amerliartoqqilernissaannut iliuusissanik Naalakkersuisut aallartitsipput.

Timmissat nuuttartut ullumikkut ulluannut allanut sanilliulugu maluginiarneqarnerupput

Maajimmi ulluisa arfineq pingajuat tassaavoq Timmissat Nuuttartut ulluat 

Nunarsuarmi Timmissanut Nuuttartunut Ulloqartinnerannut atatillugu Aalisarnermut Piniarnermullu naalakkersuisoq Aqqaluaq B. Egede tusagassiuutinut nalunaaruteqarluni erseqqissaatigaa, appat ikiliartornerat allanngortinniarlugu Naalakkersuisoqarfik maanna suliniuteqartoq.

Aqqaluaq B. Egede allappoq Naalakkersuisoqarfik timmissat pillugit nalunaarummi appat pillugit immikkoortoq nutarterlugu aallartissimagaat, neriullutik ajortumik inissisimanerannut iluaqutaasinnaassasoq.

Aamma naalakkersuisoqarfiup nunanik sanilerisanik ataatsimeeqatigiinnissaq taperserpaa , taakku nunat appanik avitseqatigisagut aalajangersimasunik aqutseqatigiinnissamut isumaqatigiissummik pilersitsiniartut suleqataaffiginiarlugu Aalisarnermut Piniarnermullu Naalakkersuisoq Aqqaluaq B. Egede tusagassiortunut nalunaaruteqarluni taama allappoq.

Appat immami uumasuupput, ukiumut ataatsimik manniliortarput.
 
 Kalaallit Nunaata kitaani tunumilu marlunnik appaqarfeqarpoq.

 

Qaanaap eqqaani appaqarfiit aalaakaasuupput.

 

Nunatta sinnerani appat ikiliartorput.

 

Appat Canadamit, Svalbardimit Islandimiillu Kalaallit Nunaannut pisarput.
  . 

Appat manniliortarput sisamanik tallimanilluunniit ukioqaleraangamik. 

 

Taamaattumik kinguuassiortarnerat arriippoq sivisusarluni.

 

Appat ikiliartulerunik piffissaq sivisooq qaangiukkaangat aatsaat amerliartoqqissinnaapput.

 

Tusarfik uumassusileritooq:  Aili Lage Labansen PInngortitaleriffik

 

Nunat tamalaat suleqatiinnissaat 

Taamaattumillu nunat tamalaat assigiinngitsut suleqatigiinnissaanut pingaaruteqarnersoq eqqumaffigineqarnissaa soqutiginarpoq Ali Lage Labansen oqarpoq.

Aili Pinngortitaleriffimi timmissat pillugit immikkoortortaqarfimmi ilisimatuutut sulivoq ilaatigut appat pillugit ilisimatusarsimalluni.

Nunatsinni timmissani nuuttartuni appat ukiuni kingullerni ikileriarput.

Kalaallit Nunaata kitaani tunumilu appaqarfeqarpoq, taakkualu amerlanerpaartaanni appat ikileriarput.

- Qaanaap eqqaani tallimanik appaqarfeqarpoq, taakkualu aalaakkaasuupput, nunattali sinerani appaqarfiit ikiliartorput. Appa piniarneqartarpoq piniarneqarneralu nungusaataannginnissaa kissaatiginarpoq, Aili Labansen oqarpoq.

Ikiliartortuarsinnarput

- Ukiuni kingullerni 20-ni appanniartarneq annikillisinneqaraluartoq, appat suli ikiliartorput, Kalaallit Nunaanniinnaanngitsoq aamma Svalbardimi aamma Islandimi ikiliartorput.

Silap pissusaata allanngoriartornera ajoqusiinerpaagunarpoq, taamaattumik naleqqussarnissaq suli pingaaruteqarpoq, soorlu inuit inuiaqatigiillu aamma naleqqussartartut aamma piniarneq naleqqussarneqartariaqarpoq, Aili oqarpoq

Taamaattumik pinngortitaleriffimmiit innersuussivugut appanniartarnerup ullumikkornit annikillisinneqarnissaa, aamma innersuussutiginikuuarput appanniartarnerup ukiuni qulini unitsinneqarnissaa Kalaallit Nunaanni taamatullu nunani sanilerisatsinni ikiliartorunnaarniassammata, uumassusileritooq Aili Lage Labansen Pinngortitaleriffimmeersoq taama oqarpoq.



 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat