Appartitsisoqaraluartoq KNAPK-imi nuannaartoqanngilaq
Orsussamut akitsuut literimut 25 øriniit 10 oorinut appartinneqassagunarluartoq KNAPK-mit hurraartuutigineqanngilaq.
- Orsussap akia allanngortinneqarsimanngikkaluarpat pitsaanerusimassagaluarpoq, aalisakkat akii aamma pitsaanerpaajunngillat, Isaq Vahl KNAPK-p siulittaasuata tullia oqarpoq, nangillunilu.
Taassuma neriuutigaa inuiaqatigiinni akit qaffammata, aalisakkat avammut nioqqutigineqartartut akii aamma qaffakkumaartut.
- Aalisartut ullumikkut inissisimanerat perarfissaallu ajorluinnarput.
Qalerallit killilersorneqarput soorluttaaq saarullittassat killilersorneqartut, Isak Vahl oqarpoq.
Naalakkersuisut avammut nioqquteqarsinnaanermut akuersisartut tinnersarpai.
- Royal Greenlandip aamma Polar Seafoodip saniatigut allat avammut niuersinnaanerat periarfississallugu piffissanngorpoq. Kina oqarami Royal Greenland aamma Polar Seafood kisimik avammut niuersinnaasariaqartut, Isak Vahl aperaaq.