Appaliarsuit kinguttuumasuusut ilisimatuunit paasineqarpoq

Appaliarsuit aalisagartorneq ajortut, kingunnillu nerisannaaqartut ilisimatuunit paasineqarpoq. Appaliarsuit aamma imaannaangitsumik nererusussuseqartut ilisimatuunit paasineqarpoq, tassa kinguit 60.000-it missaat appaliarsummit ataatsimit ullormut nerisarineqartarput.
oktobarip 30-at 2009 09:35

Pinngortitaleriffimmi biologeq Carsten Egevang ilisimatuut nunanit tamaneersut suleqatigalugit appaliarsuit pissusilersornerannik misissuisuuvoq.

Appaliarsuit susarnersut paasiniarlugit ilaat 13-it tunuisigut nassitsissummik pilersorneqarput, tassanilu paasineqarpoq appaliarsuit kingunnik nerisannaaqartut. Tassa apaliarsuk timmiaq taama mikitigigaluarluni arfertut nererusussuseqartoq taamaasilluni paasineqarpoq.

Appaliarsuit 10 millionit missaannik amerlassuseqarnissaat ilimagineqarpoq.