Aporaattoqarnerani pingasut toqutaapput

Inatsisartunut ukiut 20-t ingerlaneranni siullerpaamik ippassaq qinersisoqarnerata kinguninngua aporaanneq pivoq. Nutaarsiassaqartitsivimmi Ritzauimi ullaaq manna taama allaaserinnittoqarpoq.

Aporaannerit sakkortuut illoqarfimmi Myawaddymi pipput, illoqarfik taanna Thailandip killeqarfiata qanittuaniippoq.

Eqqaassisoqarujussuarsimavoq, granati Thailandip killeqarfianut aamma tussimalluni, sakkutuut Thailandimiut oqaaseqartartuat taama ilisimatitsivoq.

Inuit hornorujulippassuit uiverrallutik killeqarfikkut qimarrassimapput, tassaanerusut inuiaat ikinnerussuteqartut, Myanmarimit namminersulerniarlutik 1949-mili sorsuuteqartuarsimasut.

- Eqqaassisoqarunnaareerpoq, sakkutuulli Myanmarip eqqaaniittuarput, oqaaseqartartoq nassuiaavoq.

Sakkutuut Myanmarimi imminnut naalakkersuisunngortittut qinersinerup pinngitsiarneranili pikitsitsisartunut sakkortuumik pissusilersulersimapput.

Qinersinerup inernera siusinnerpaamik ullumikkut avammut tusarliunneqassagunarpoq. Partiilli marluk, sakkutuunik imminnut naalakkersuisunngortittunik illersuisut, Solidaritetsunionen aamma Udviklingsparti, USDP-mik naalisarneqartartoq, inatsisartuni amerlanerussuteqarluarlutik taaguunneqarsimapput, qinersinerli amerlanernit peqquserlunnertaqarnerarneqarpoq.