A.P.Møller-Mærsk umiarsuarnik Haitiliartartussanik atukkuuvoq
- Piumasaqaataassaarli Naalagaaffiit Peqatigiit ataqatigiissaarisuunissaat. Containerinik ikiueqqaarnermut atugassanik imalinnik Haitiliartitsisassagutta, tasamungalu tikippata taakkuninnga isumaginnittussaqarani agguaassisussaqaranilu soorunami taava akilersinnaassanngilaq, umiarsuaateqarfimmi avammut oqaaseqartartoq nassuiaavoq.
Nunap sajunnera qanoq aseruitiginersoq, inuillu qassit missaat eqqugaanersut, sapaatip akunnerani kingullermi paasineqarmat A.P.Møller-Mærsk Naalagaaffiit Peqatigiit New Yorkimi qullersaqarfiannut saaffiginnippoq, neqeroorutigalugu akeqanngitsumik assartuisinnaanini, umiarsuillu containerersuutit anginngitsut marluk sipilitallit akeqanngitsumik aamma atukkiuppai. Containerit 400-t 700-llu akornanni amerlassusillit umiarsuit tamarmik immikkut usisinnaavaat, ikiueqqaarnermilu atortussat siulliit Naalagaaffiillu Peqatigiit peqqumaasiviineersut Panamami maanna usingiarneqaleruttorput.
- Umiarsuit containerersuutit anginngitsunnguugamik Haitimi umiarsualivinnut mikinernut tulassinnaammata iluaqutaavoq, immap itissusia ilaatigut naammassinnaasarmat. Containerinut kivitsissutinik soqanngimmat tamakku umiarsuit namminneq nioorartarpaat, ikiuutissallu lastbiilinit ingerlateqqinneqartarput, umiarsuaateqarfimmiit ilisimatitsipput.
A.P.Møller-Mærsk ikiuiniaqatigiiffimmut Dansk Røde Korsimut aningaasanik aamma katersuinialereerpoq, soorlu suliffeqarfiit allat 40-t aamma taamaaliortut.
